పాక్‌ పైలట్‌, సిబ్బందికి లండన్‌లో షాక్‌
పాకిస్థాన్‌ ఎయిర్‌లైన్స్‌కు చెందిన సిబ్బందిని లండన్‌లో అదుపులోకి తీసుకున్నారు. పాక్‌ విమానం దిగిదిగగానే వారిని అదుపులోకి తీసుకొని దాదాపు రెండుగంటలపాటు తనిఖీలు నిర్వహించి అనంతరం వదిలేశారు. ఈ విషయాన్ని పాక్‌ కాస్తంత సీరియస్‌గా తీసుకుంది. ఎలాంటి కారణం చెప్పకుండానే తమ సిబ్బందిని అలా తమ అదుపులోకి తీసుకొని ఎందుకు తనిఖీలు చేయాల్సి వచ్చిందో తమకు అర్థం కాలేదని పాకిస్థాన్‌ ఇంటర్నేషనల్‌ ఎయిర్‌లైన్స్‌ (పీఐఏ) అధికారిక ప్రతినిధి మషూద్‌ తజ్వార్‌ అన్నారు.
ఈ విషయాన్ని తాము బ్రిటిష్‌ ఏవియేషన్‌ అథారిటీకి తెలియజేస్తామని అన్నారు. పీఐఏకు చెందిన విమానం పీకే 785 ఇస్లామాబాద్‌ నుంచి లండన్‌లోని హ్యాత్రూ ఎయిర్‌పోర్టుకు సోమవారం తెల్లవారుజామున 2.50గంటల ప్రాంతంలో వచ్చింది. ప్రయాణీకులు దిగిపోయిన వెంటనే విమాన సిబ్బందిని, విమానం మొత్తాన్ని దాదాపు రెండుగంటలపాటు తనిఖీలు చేసిన ఎయిర్‌పోర్ట్‌ అధికారులు ఆ తర్వాత క్లియరెన్స్‌ ఇచ్చారు. అయితే, ముందస్తు రక్షణ చర్యల్లో భాగంగానే ఈ తనిఖీలు చేసినట్లు లండన్‌ ఎయిర్‌పోర్ట్‌ అధికారులు సమర్థించుకున్నారు.
ఈ విషయాన్ని తాము బ్రిటిష్‌ ఏవియేషన్‌ అథారిటీకి తెలియజేస్తామని అన్నారు. పీఐఏకు చెందిన విమానం పీకే 785 ఇస్లామాబాద్‌ నుంచి లండన్‌లోని హ్యాత్రూ ఎయిర్‌పోర్టుకు సోమవారం తెల్లవారుజామున 2.50గంటల ప్రాంతంలో వచ్చింది. ప్రయాణీకులు దిగిపోయిన వెంటనే విమాన సిబ్బందిని, విమానం మొత్తాన్ని దాదాపు రెండుగంటలపాటు తనిఖీలు చేసిన ఎయిర్‌పోర్ట్‌ అధికారులు ఆ తర్వాత క్లియరెన్స్‌ ఇచ్చారు. అయితే, ముందస్తు రక్షణ చర్యల్లో భాగంగానే ఈ తనిఖీలు చేసినట్లు లండన్‌ ఎయిర్‌పోర్ట్‌ అధికారులు సమర్థించుకున్నారు.
Comments
Post a Comment